28 августа 2024, 11:43
Уæллаг Зæрæмæджы сног кæндзысты Мамытты мыггаджы æрдæгхæлд хъахъхъæнæн мæсыг
Уый тыххæй фехъусын кодтой культурон хæзнатæ хъахъхъæныны Комитетæй.
Специалистты хъуыдымæ гæсгæ, хъахъхъæнæн мæсыг, йæ фарсмæ та хæдзар арæзт æрцыдысты 16-æм æнусы кæронæй 18 æнусы райдианы онг. Арæзт у Адайкомындоны рахиз фарсы, хъæуы уæллаг хайы къæдзæхыл. Комитеты специалисттæ зæгъынц, абоны онг баззад æрмæстдæр мæсыгæн йæ быннаг хай. Йæ бындуры онг хæлд æрцыд цæгатаг къул. Комитет радта хæслæвæрд, цæмæй регионалон нысаниуæг кæмæн ис, уыцы культурон объект бахъахъхъæнынæн конд æрцæуа æмбæлгæ куыст.
темæмæ гæсгæ
