Экспозицийы æрмдæсны фылдæр йе ргом аздæхта Нарты кадджыты сæйрагдæр сюжеттæм
Санкт-Петербурджы Чехойты Асланы ног музей аивадуарзджыты размæ рахаста Бæззаты Скифы равдыстадон проект «Грани времени». Экспозицийы æрмдæсны фылдæр йе ргом аздæхта Нарты кадджыты сæйрагдæр сюжеттæм. Адæймаджы хуыздæр миниуджытæ хъахъхъæд æрцыдысты ирон рагон культурæйы. Критиктæ куыд зæгъынц, афтæмæй Бæззаты Скифæн эпос хуымæтæг текст нæу, уый у цæстгагуыйау кæй хъахъхъæны, адæмы ахæм культурæ. Нывгæнæджы куыстытæ текстытæн иллюстрациты хуызы не сты, фæлæ философон хъуыдытæ, алы цауæн дæр дзы ис йæхи эстетикон хуыз æмæ уд. Æмбал кæмæн нæй, ахæм пластикæ, композици æмæ хуызтимæ куыст иумæйагæй æвдисынц нывгæнæджы æнæбафæзмгæ стиль. Бæззаты Скиф у Санкт-Петербургæй нывгæнæг, Цæгат Ирыстонæй рацæуæг. У Уæрæсейы æмæ фæсарæнты бирæ равдыстыты архайæг. Йæ куыстытæ æвæрд сты Уæрæсейы, Германийы, Венгрийы, Голландийы, Францийы, Израилы, Мароккойы æмæ æндæр бæстæты музейты æмæ хи коллекциты. Æнæ йе сфæлдыстадæй абон цæгатаг сæйраг сахары аивад фидаугæ дæр не скæнид.
