Бæрæгбоны мадзалы архайдтой станицæ Павлодольскæйы, поселок Советскийы æмæ Веселæйы хъæуы 2 командæйы
Мæздæджы районы Веселæйы скъолайы ацыд 2-аг муниципалон кадетон бал. Бæрæгбоны мадзалы архайдтой станицæ Павлодольскæйы, поселок Советскийы æмæ Веселæйы хъæуы 2 командæйы. Ам хъомыл кæнынц кадетты хистæр æмæ кæстæр фæлтæрты. Балы программæйы классикон историон номертæ. Рæзгæ фæлтæр бæрæгбоны уæлæдарæсы. Ирд, аив æмæ зæрдæмæхъаргæ кафт. Жюрийы уæнгтæ куыд фæнысан кодтой, афтæмæй хореографи ацы хатт уыди бирæ хуыздæр, кафыдысты æнæ рæдыдæй, кадеттæ мадзалмæ сæхи бацæттæ кодтой æмбæлгæ æмвæзадыл. Арфæ ракæнынмæ сæм æрбацыдысты Уæрæсейы гвардийы æфсæддон оркестр, районы культурæйы галуаны минæвæрттæ, æфсæддон зарджытæ азарыдысты сæрмагонд æфсæддон операцийы архайджытæ. Мадзал арæзт æрцыди Фыдыбæстæ хъахъхъæнæджы афæдзы кадæн. Алы командæ дæр йæ номинаци райста кады гæххæт.
