Уым фенæн ис куыд графикон, афтæ нывкæнынады куыстытæ дæр
Дзæуджыхъæуы байгом Себеты хоты куыстыты равдыст «Аивад æнæ арæнтæй: Кавказы хæхтæй Австралийы былгæрæттæм». Экспозици байгом Горькийы уынджы галерейы. Уым фенæн ис куыд графикон, афтæ нывкæнынады куыстытæ дæр. Сты Себеты Марианнæйы, Австралийы конд, раздæры куыстытæ. Марианнæйæн уæлдай ахсджиаг у уый, æмæ ацы равдыст йæ хоимæ иумæйаг проект кæй у. Аивады уылты хæссынц сæ хъуыдытæ. Экспозицимæ бахастой 50 куысты. Себеты Марианнæ у нывгæнæг, график æмæ монотипийы мастер. 10 азæй фылдæр цæры Австралийы. Уым йæ куыстытæ нымад æрцыдысты суанг национ æмвæзады. Себеты Тамарæ та у витражты нывгæнæг, чырыстон аргъаунты реставратор. Куыста ма графикон дизайны къабазы. Дыууæ чызджы дæр сты Цæгат Ирыстоны паддзахадон университеты аивæдты факультеты рауагъдонтæ.
