Ацы аз хæдзарæдтæн æрдзон уавæртæ бынтон зæрдæмæдзæугæ нæ уыдысты: уазал уалдзæджы фæстæ ралæууыд хус сæрд
Æрæфы районы сæ тæмæны бацыдысты нартхор æфснайæн куыстытæ. Ацы аз хæдзарæдтæн æрдзон уавæртæ бынтон зæрдæмæдзæугæ нæ уыдысты: уазал уалдзæджы фæстæ ралæууыд хус сæрд. Цы садзæн æрмæг æмæ нырыккон технологитæй спайда кодтой, уыдон сын ныфс дæттынц, сæ куысты хатдзæгтæ хорз кæй рауайдзысты, уымæй. Бæлвырддæр радзурдæн Чехойты Фатимæ.
Нырыккон техникæ быдыры кусын райдайы райсомæй раджы. Нартхоры сæр рыг кæй сыстад, уый дардмæ дæр зыны. Комбайн рæвдз цæуы рæнхъыты *хсæн. Æрæфы районы æфснайæн куыстытæ цæуынц æнæ къуылымпыйæ. Зæхкусджытæ куыд зæгъынц, уымæ гæсгæ боныхъæд зæрдæмæдзæугæ нæ уыд. Æрæджиауы уазалты фæстæ ахаста хус рæстæг. Фæлæ уæддæр нартхоры тыллæг раздæры азтимæ абаргæйæ бынтон гыццыл нæу.
Ацы хæдзарады цы мин гектары бæрц ис, уыдонæй 880 ахсы нартхор. Æфснайæн куыстытæ фесты фæзуаты *рдæгыл. Гектарæй исынц 80 центнеры. Нартхоры хуызтæ бакодтой дыууæ: «Мансанта» æмæ гибридон «КВС». Æппæтæй хуыздæр фæразынц районы боныхъæды уавæртæн æмæ зæххы хицæндзинæдтæн. Фермертæ куыд зæгъынц, уымæ гæсгæ нырыккон технологитæ, садзæн æрмæг, хъацæнтæ æмæ æмбæлгæ зылд хорзырдæм фæбæрæг уыдзысты тыллæджы бæркадыл.
Æрæфы районы ис 10 мины æмæ *рдæг гектары хуымгæнды зæххыттæ. Се стырдæр хайыл зайы нартхор. Ныридæгæн бафснайдтой йæ 50 проценты. Кæд боныхъæды уавæртæ нæ бакъуылымпы кæной зæхкусджыты фæндтæ, уæд хъуамæ нартхор æфснайд фæуой 2 къуыримæ.
