Æдæппæтæй 12 адæймаджы
Хæххон паддзахадон аграрон университеты студенттæ систы Уæрæсейы президенты æмæ Хицауады стипендиаттæ. Æдæппæтæй 12 адæймаджы. Ахуыр кæнынц алы факультетты, сæхи æнтыстджынæй æвдисынц университеты наукон архайды æмæ æхсæнадон царды. Бæлвырддæр радзурдзæн Хъайтмазты Дзерассæ.
Хæххон паддзахадон аграрон университеты аграрон колледж каст куы фæцис, уæд Бесолты Аланæ сфæнд кодта дарддæр агрономыл ахуыр кæнын. Ныртæккæ чызгмæ ис 50 наукон уацæй фылдæр, иртæстытæ æххæст кæны лабораторийы.
Йæ ахуырады æнтыстдзинæдты тыххæй ныр Бесолты Аланæ исы Уæрæсейы президенты стипенди. Агроуниверситеты 11 студенты ма систы бæстæйы Хицауады стипендиаттæ. Дудиаты Дзерассæ кæддæриддæр уыд активисткæ, ныр та ма кæны наукон архайд дæр – ахуыр кæны сойæ.
Студентон конструкторон бюройы инженерон къабæзты ахуырдзаутæ кусынц хи проекттыл. Борæты Георгийæн йæ сабибонтæй цымыдисаг уыдысты автомобильтæ, æмæ йæ дæсныйад дæр ахæм равзæрста. У ма уæлдæр ахуыргæнæндоны профцæдисон оргацизацийы сæрдар, ахуырдзауты советы уæнг.
Ахæм стипенди исын студенттæн кадджын у. Фæсивæды разæнгард кæны размæ цæуынмæ. Фидæны специалисттæн æххуыс у университеты куысты ахсджиаг хай.
Разæй фæсивæдмæ æнхъæлмæ кæсы стыр профессионалон фæндаг, цы æххуыс исынц, уый та студенттæн дæтты, наукæйæ ахадгæйæ архайыны фадат.
