05 февраля 2026, 10:51
Нывгæнджыты Цæдисы залы байгом равдыст «Сфæлдыстады къæпхæнтæ»
Экспозицимæ хаст æрцыди, ивгъуыд æмæ æндæр азты Цæдисмæ кæй райстой, уыцы мастерты куыстытæ
Нывгæнджыты Цæдисы залы байгом равдыст «Сфæлдыстады къæпхæнтæ». Экспозицимæ хаст æрцыди, ивгъуыд æмæ æндæр азты Цæдисмæ кæй райстой, уыцы мастерты куыстытæ. Равдысты ирдæй зыны регионы курдиатджын авторты цæстæнгас. Ис дзы нырыккон аивады 3 къабазы: нывкæнынад, графикæ æмæ декоративон æрмдæсныйады аивад. Техникæтæ дæр сты алывæрсыг – лирикон пейзажтæ æмæ портретон гаммæ, стæй æндæр проекттæ. Равдыст алы авторæн дæр дæтты йе сфæлдыстадон уникалон æрмдзæф равдисыны фадат. Мадзал арæзт æрцыди республикæйы нывгæнджыты Цæдисы хъæппæрисæй. Йæ нысан – курдиатджын нывгæнджыты сфæлдыстадон райрæзтыл бакусын.
темæмæ гæсгæ
