Фæлæ республикæйы аграритæ ног уавæртæм сарæхстысты æмæ дарддæр æххæст кæнынц тауæн кампани
Ацы аз боныхъæд бахаста ивддзинæдтæ быдырон куыстыты фæткмæ. Фæлæ республикæйы аграритæ ног уавæртæм сарæхстысты æмæ дарддæр æххæст кæнынц тауæн кампани. Специалисттæ куыд зæгъынц, афтæмæй куыстытæ кæй афæстиат сты, уый хъуамæ фидæны тыллæгыл ма фæзына. Сæйраг нысан у хъæрзхъæд хæууонхæдзарадон продукт райсын. Ахæм хæстæ æвæры «Фæлхасадон æдасдзинад æххæст кæныны» нацпроект дæр. Ахадгæйæ йæ æххæст кæнынц профилон ведомствæйы. Бæлвырддæр радзурдзæн Хъайтмазты Дзерассæ.
Персаты Феликсмæ зæхкуысты стыр фæлтæрддзинад ис. Ацы фермерон хæдзарады бакусынц 330 гектары зæххыл, уыдонæй 153-йæ пайда кæнынц уалдзыгæндтæн. Зайын кæнынц нартхоры гибрид. Ацы аз уалдзыгон культурæтæ тауын фæстæдæр райдыдтой къæвдаты тыххæй. Фæлæ аграритæ куыд зæгъынц, афтæмæй уый хъуамæ тыллæгыл ма фæзына. Ацы аз æй фæнд кæнынц сентябры кæрон æмбырд кæнын. Иу гектарæй сисынц 8 тоннæйы, кæнæ та фылдæр.
Кæд боны ахасты тыххæй зындзинæдтæ уыд, уæд Кировы районы тауæн æрмæгимæ, хъацæнтимæ æмæ артагимæ къуылымпыдзинæдтæ нæ уыд. Фæлæ фермертæ куыд зæгъæынц, афтæмæй æрвылаз сæ аргъ бæрзонддæр кæны. Уалдзыгæндтæн нысангонд территорийы фылдæр хай ныссагъдтой, баззад ма чысыл уаццагтæ. Уыдоныл дæр хæстæгдæр рæстæг мыггæгтæ байтаудзысты.
æдæппæтæй Кировы районы ис хуымгæндты 15 мин гектары бæрц. Нартхор зайын кæнынц 7 мин гектары фæзуатыл, 800 гектары бæрц ахсынц уалдзыгон сысджы æмæ мæнæу, 5 мин 700 – та фæззыгæндтæ. Муниципалон сконды фермертæ стыр тыллæгмæ æнхъæлмæ кæсынц ацы культурæтæй дæр. Æфснайын сæ райдайдзысты июлы.
Боныхъæд бахаста ивддзинæдтæ уалдзыгон быдырон куыстыты сезонмæ, фæлæ республикæйы аграритæ ахæм зындзинæдтæм сарæхстысты. Уалдзыгæндты хуымты 109 гектарæн бакуыстой сæ 50 процентæй фылдæрыл. Ахæм уавæрты уый æвзæр бæрæггæнæн нæу, зæгъынц специалисттæ.
Мæры æмæ климаты ивддзинæдтæ регионы агропромышленнон комплексæй домынц ног уынаффæтæ. Сæйраг нысан у хъæрзхъæд хъæууонхæдзарадон продукт райсын. Ахæм хæстæ æвæры «Фæлхасадон æдасдзинад æххæст кæныны» нацпроект. Ахадгæйæ æххæстгонд цæуы республикон профилон ведомствæйы.
Æдæппæтæй Цæгат Ирыстоны хуымты фæзуат у 190 мин гектары. Уыдонæй ивгæтыды пайда кæнынц 170 минæй. Зайын кæнынц нартхор, сысджы, мæнæу, хъæбæрхор æмæ æндæр культурæтæ, къаддæр – халсартæ.
