филиал вгтрк государственная телерадиовещательная компания “Алания”

Цæгат Ирыстоны аграритæ бафснайдтой фæззыгæнд æмæ уалдзыгæнд культурæты 67 мин гектары. Ныртæккæ куыстытæ фылдæр баст сты хоры æмæ сойы культурæтимæ. Дарддæр æфснайынц халсартæ, дыргътæ æмæ гагадыргътæ дæр. Уый тыххæй фехъусын кодта республикæйы сæргълæууæг Сергей Меняйло. Куыд загъта, афтæмæй хъæууон хæдзарад у экономикæйы сæйрагдæр къабæзтæй иу. Регионы кусынц, цæмæй аграритæ сæ продукци æрмæст фылдæр ма кæной, фæлæ ма йæ ахадгæдæрæй æрвитой Цæгат Ирыстонæй дарддæр, ууыл. Уымæ гæсгæ хицæн æргом здæхт цæуы экспорты райрæзтмæ. Ацы хъуыддаг æххæст кæныны æххуыс кæны национ проект «æппæтадæмон коопераци æмæ экспорт».