Проект бацæттæ кодтой, филиалы 10-æм юбилейон сезоны фæлгæты
Мариинаг театры филиалы райдыдта цикл «Симфонион оркестр — сывæллæттæн»-ы ног сезон. Проект бацæттæ кодтой, филиалы 10-æм юбилейон сезоны фæлгæты. Йæ сæйраг нысан — æвзонг музыкæ уарзджыты базонгæ кæнын симфонион музыкæимæ æмæ оркестры инструменттимæ. Лæппутæ æмæ чызджытæ канд уацмыстæм нæ байхъуыстой, фæлæ ма сæхи фæлвæрдтой музыкалон хъæзтыты æмæ викторинæты. Стæй ма сын фадат уыд оркестры инструменттыл ацæгъдынæн. Дирижеры пульты уæлхъус æрлæууыд Хъарданты Зæлинæ. Программæ амыдта музыкæиртасæг, Цæгат Ирыстоны Адæмон артисткæ Марина Ядых. Ацы хатт азæлыдысты Бахы, Вивальдийы , Чайковскийы, Хачатуряны, ирыстойнаг композитортæ Плиты Христофоры æмæ Æлборты Феликсы уацмыстæ. Уазджыты хсæн уыдысты сæрмагонд æфсæддон операцийы архайджыты бинонтæ.
