филиал вгтрк государственная телерадиовещательная компания “Алания”

Ӕргъудидзийнадæй хъазардæр адæймагæн цума неци ес. Уоци хуарздзийнадæй Цæгат Иристони Парламенти сæрдар Тускъати Таймораз фæххайгин кодта, сæ куст республики цардбæл кæмæн бæрæг кæнуй, сæ цард адæми аккаг кæмæн æй, уæхæн Иристони минæвæртти.

Аци анз 105 анзи исæнхæст æй зундгонд финсæг, журналист, Фидибæсти Устур тугъди архайæг Цæгæлоти Македони фурт Василий райгурдбæл. Æ ном æма æ сфæлдистадон бунти туххæй дзурдтонцæ Киной хæдзари, Литературон музейи косгутæ, ци номерæн мадзал исаразтонцæ, уоми.

Беретæ Федæн ци гъуддагæн нæ уидтонцæ,уобæл бакустонцæ бархеон Плити Маринæ æма фермер Къесати Нокар. Фæййервæзун кодтонцæ уæззау уавæри ка адтæй, уоци бæх Пандори.

Зумæгон райзадæнцæ æнæ хæдзарæй. Анзи райдайæни Ирæфи райони Стур-Дигори гъæуи цæрæг Габети бийнонтæ, еуæрдæги цийнæ кæнунцæ уодæгас ке æнцæ сæ артдзæсти цæргутæ, иннердæги ба, сæ æнзти хъиамæттæ зинги уацари бацæнцæ.

Ӕ 80 анзей юбилеййи фӕдбӕл «Хӕзнидони кадгин Гражданин» – и ном ис аккаг кодтонцӕ Уанити Хъазбегӕн. Лӕвӕрд ин ӕрцудӕй ӕ райгурӕн гъӕуи райдзаст федӕнмӕ устур ӕвӕрӕн ке хӕссуй, уой нимайгӕй.

Сайраг темитæ: Дзæуæгигъæуи гъæунгтæбæл идарддæр зелуй Нæуæг Анзи трамвай. Аййевгонд æй бæрæгбони тематикæмæ гæсгæ. Сувæллæнттæн си æвдесæнцæ мультфильмтæ. Дигори райони хатдзæгтæ скодтонцæ Нæуæг анзон аййевдзинади конкурсæн. Райони администраций сæргълæууæги ихæстæ æнхæстгæнæг Хохойти Валерий раарфæ кодта уæлахездзаутæн, æма син равардта æхцай премитæ. Æ дæснийадæ æрмæст куст кæмæн нæй, фал царди нисан, уоци адæйми минæвæрттæй еуей хæццæ […]

Академион уруссаг театри арæзт æрцудæй традицион бæрæгбон – республики Сæргълæууæги Нæзи бæласæ. Нæуæг анзи бæрæгбон саразтонцæ сæрмагонд æфсæддон операций архайгути сувæллæттæн.

Сурх – Дигори минæвар Мæрзойти Олег æ разæнгарддзинади фæрци Уæрæсей, Сурх-Дигори историмæ бахаста æвæрæн. Гъæуи 18 минæварей нæмттæ æма муггагутæ нисангон æрцудæнцæ Уæрæсей рекордти киунуги.

Берæ нæбал гъæуй æгасей уарзон бæрæгбон – Нæуæг анзи ралæудмæ. Аци афонæ сарæх унцæ, нæзи бæлæстæ æнæ закъонæй ка хъан кæнуй, етæ. Браконьерти архайдæй ихæлуй экологон баланс. Республики фæдзæхст бунæтти зонæтæмæ хæстæг гъæути фæккарздæр кодтонцæ патрульти куст. Ауæхæн гъæуайкæнæн мадзæлттæн æнæмæнгæй ес устур ахадундзинадæ.

Адæймаг цæруй цалингæмæ æ ном, æ хъиамæттæ уонцæ адæми зæрдити, уæдмæ. Аци гъудиæн, радон хатт, æвдесæн адтæй Дигорай культурон центри ци номерæн мадзал рацудæй, е. «Уруймæгти Езетхани царди бæллец»-æй иссирдтонцæ зундгонд финсæг, драматург, публицист, журналист Уруймæгти Езетахани ном. Йæ райгурдбæл аци анз исæнхæст æй 120 анзи.

Еу анзи æрдæгæй иннемæ Цæгат Иристони мухури фæрæзнити сагъæссаг гъуддаг ба фæууй еу – газеткæсæг сæ рафинсун куд ма феронх уа, уобæл бакосун. Сæ абони уавæрти æма федæни фæндтæ кой нин ракодтонцæ газет Дигори коллектив.

Тугъанти Махарбеги номбæл музейи байгом æй Сæбанти Хаджумари кустити равдист. Схонæн æй ес ирон музыкалон фольклор гъæуайгæнæг. Хаджумар æй зарæггæнæг, æрмдæсни æма хузæгæнæг. Йæ кустити сæйраг тематикæ баст æй бæгъатæртæбæл заргути æма нарти кадæнгити хæццæ.

Ансамбль «Мелодия гор» иссæй Еугуруæрæсеон фестиваль «Душа баяна»-и дуккаг къæпхæни лауреат. Ирæфи районæй коллектив архайдта номинаци «Оркестр»-и. Æдеугурæй си адтæй 7 мин архайæги нæ бæсти алли регионтæй.

Зæрдиаг лæвар киунугæкæсæгæн! Уотæ схонæн ес Миндзайти Валентини киунугæ «Фæлварæнтæ..». Æ презентаци арæзт æрцудæй Дзæуæгигъæуи центрон библиотеки.

Дигорай цæрæг Къорнати Владимири хæдзарæ иссæй сфæлдистадæн аргъгæнгути уарзон бунат. Пенсимæ рацæугæй, йæхемæ раргом кодта хузæгæнги курдиадæ, æма йæ цæрæнуатæй скодта аивади æцæг музей.

Чиколай, кæдæй физкультурон дзæбæхгæнæн комплекс фæззиндтæй, уæдæй си берæ мадзæлттæ арæзт æрцудæй спорти алихузтæй. Аци хатт си адтæй Советон Цæдеси бæгъатæр Махъоти Алихани номбæл турнир дзюдойæй.

Цæгат Иристони авд агротехнологон къласи райстонцæ нæуæг ефтонггæрзтæ. Республики ахургæнæндæттæн сæ балхæдтонцæ инвестортæ – агропромышленнон комплекси къабази ка архайуй, уоци кустуæттæ. Хæрдзти еумæйаг бæрцæ адтæй 33 милиуан сомей уæнгæ.

Тугъдон цаути ветеран,  сæрмагонд æфсæддон операций архайæг Гобети Геуæрги ирæзгæ фæлтæри æма фæсевæди ахур кæнуй нæуæг, ахсгиаг гъуддагбæл –  FPV-дронтæ æмбурд кæнунбæл æма сæ хæццæ архайунбæл.

Икъати Рустам сувæллонибонтæй уарзта зайæгойтæмæ æма цæрæгойтæмæ зелун. Мегъуддæгти министради кустæй,  пенсий рацæугæй сфæндæ кодта, йæ цард æ уарзон гъуддаги хæццæ сбæттун. Хуæнхон паддзахадон аграрон университети Фермерти скъола йин банхус кодта,  аци фарста профессионалон æгъдауæй сæнхæст кæнун.

Иристон бæрæг кæнуй йæ уарзондæр æма кадгиндæр бæрæгбон
Геуæргоба. Къуæрей дæргъи алли хæдзари дæр идзаг финги уæлгъос ковдзæнæнцæ
Лæгти дзиуарӕмæ, фæдзæхссæнæнцæ йибæл сæхе.

Иристони уæлдæр кади номи аккаг иссæй! «Фæллойни бæгъатæри ном» лæвæрд æрцудæй Республики тæрхонгæнгути Совети сæргълæууæг Мæхæмæтти Ахурбеги фурт Бекæн.

Дигорай спортивон дзæбæхгæнæн комплекс «Алькор», бабæй, ис иуазæг кодта Бердити Солтани номбæл уæгъдебар гъæбесæйхуæстæй 11-аг турнири архайгути. Фиццаг хатт си номерæн турнир арæзт æрцудæй 2011 анзи.

Ирæфи райони сæ тæмæни бацудæнцæ нартихуар æфснайæн куститæ. Аци анз хæдзарæдтæн æрдзон уавæртæ бунтон зæрдæмæдзæугæ нæ адтæнцæ: уазал уалдзæги фæсте ралæудтæй сор сæрдæ.

Куд Уæрæсей æгас регионти уотæ, дæсæймаг хатт, Цæгат Иристони цæргутæ дæр байархайдтонцæ Устур Этнографион диктанти. Аци хатт конд æрцудæй Мæхчески.

Аивæдти лицейи байгом æй креативон индустрияти скъола. 2 анзей дæргъи 80 сувæллони республики алли районтæй ахур кæндзæнæнцæ хузтæ æма видео есунбæл, удта зонгæ кæндзæнæнцæ электрон музыки, дизайни æма режиссури сосæгдзинæдти хæццæ. Скъола бабæрæг кодта республики сæргълæууæг Сергей Меняйло.

30 скъоладзауемæй фулдæр архайдтонцæ Сапицкийи фæлладуадзæн парки патриотон акций. Се хсæн æвзонг æфсæддонтæ, удта Беслæни 1-аг скъолай ахурдзаутæ. Фæсевæдæн бацæттæ кодтонцæ гъæздуг программæ.

1-аг декабри Мамисони райдайдзæнæй къахдзонæгътæбæл гуруни сезон. Нуртæккæ курорти цæунцæ цæттæгæнæн куститæ. Специалисттæ æвæрунцæ мет аразæн косæнгæрзтæ. Нури уæнгæ сæвардтонцæ хæтæлти хизæ, 77 сæрмагонд сармадзанемæй бал цæттæ æнцæ 47.

Цæгат Иристони сæргълæууæг Сергей Меняйли унаффæмæ гæсгæ резервон фондæй радех кодтонцæ фæрæзнитæ сувæллæнтти рæвдауæндæнттæ ирон æвзагбæл аййевадон литературæй банхæст кæнунæн фиццаг хатт.

Адæмон фронты активисттæ Ирæфи райони саразтонцæ мониторинг фельдшерон-акушерон пункттæн æма амбулаторитæн. Уавæр æй фæйнæхузи. Цæмæдæр гæсгæ Хæзнидони амбулатори æнæ цæстдардæй байзадæй, æй кæлæддзаг уавæри. Куд ис бæрæг æй , уотемæй си бундорон цалцæг нисангонд æй 2027-аг анзмæ.