Мэтры юбилеймæ апрелы кæрон Дзæуджыхъæуы байгом уыдзæн Вахтанговы ног цалцæггонд хæдзар-музей
140 азы сæххæст зындгонд режиссер, актер æмæ педагог Евгений Вахтанговы райгуырдыл. Райгуырд æмæ схъомыл Дзæуджыхъæуы. Хæрзчысыл ма куы уыди, уæд бауарзта театр. Архайдта хæдахуыр артистты драмон къордты. Ам гимназ каст куы фæци, уæд цæрынмæ ацыд Мæскуымæ. Ахуыр кæнынмæ бацыд Мæскуыйы аивадон театры цур арæзт театралон скъоламæ. 1913-æм азы та разамынд дæттын райдыдта студентон студийæн. Фæстæдæр уый сси Евгений Вахтанговы номыл паддзахадон театр. Мэтры юбилеймæ апрелы кæрон Дзæуджыхъæуы байгом уыдзæн Вахтанговы ног цалцæггонд хæдзар-музей. Бæстыхайы бацархайдтой, 18-æм æнусы кæрон æмæ 19-æм æнусы райдиан къупецы хæдзары хуыз равдисыныл. Фыццаг уæладзыджы нысан кæнынц камерон театралон концертон зал байгом кæнын. Уыдзæн дзы кафе. Дыккаг уæладзыджы та – музейон зонæ æмæ цæрæн апартаменттæ. Хæдзар-музей байгом кæнынмæ ма цæттæ кæнынц хъæздыг æмæ цымыдисаг программæ. Цæгат Ирыстоны ацæудзысты Мæскуыйы, Евгений Вахтанговы номыл театры стыр гастрольтæ.
