Ацы бонты кæсаджы хæдзарадтæ бабæрæг кодтой специалисттæ
Валер, карп, кæф. Цæгат Ирыстоны цы кæсаг уадзынц, уый парахат кæны Уæрæсейы базарады. Ацы къабазы цы инвестицитæ бавæрдтой, уыдоны, æмæ федералон прогрограммæты архайыны фæрцы, рауагъдад фæфылдæр и цалдæр хатты. 2023-æм азмæ не республикæйæн йæ бон суæвын у, валер кæсагджы куыст Уæрæсейы æппæтæй хуыздæр кæм цæудзæни, ахæм регион. Ацы бонты кæсаджы хæдзарадтæ бабæрæг кодтой специалисттæ. Цы аргъ сын скодтой, уый тыххæй радзурдзæни Гуытъиаты Алинæ.
Фарон æнæххæстбарджын æхсæнад «Брут» схъомыл кодта дыууæсæдæ фæндзай тоннæйы карп. Уыдонæй фæлхасгæнджытæм фæхæццæ ис сæдæ æхсай цыппар тоннæйы. Уыцы бæрæггæнæн фæфылдæр кæныныл дарддæр кусдзæнис Брут. Æппæт авналæнтæй дæр æххæст сты. Сæ аст малмæ дон цæуы Кæрдзыны донæй, стæй сыгъдæг донгуырæнæй.
«Остров Аквакультура» та хъомыл кæны балер кæсаг. Компани йæ куыст райдыдта 2017 азы. Афæдзы фæстæ ауæй кодтой дыууæсæдæ æртын аст тоннæйы кæсаг. Кусджытæ куыд зæгъынц, афтæмæй ахæм бæрæггæнæн уыдис сæ нысан. Ам æрмæст нырыккон технологитæй нæ пайда кæнынц.
Кæсаджы хæдзарад «Арлан фишы» та хуызджын балер кæсаг хъомыл кæнынæн пайда кæнынц æрмæстдæр нырыккон мадзæлттæй. Ам ис, кæсаджы лæппынтæ æмæ еугæф дарынæн сæрмагонд бассейнтæ. Куыстуат фарон фæлхасгæнджытæм фæхæццæ кодта нæуæдз тоннæйы кæсаг. Ацы аз уыцы нымæц уыдзæнис зынгæ фылдæр.
Республикæ азæй-азмæ уадзы ноджы фылдæр кæсаг. Уый у инвестициты æмæ паддзахадон æххуысы фæрцы. Сæ бæрæггæнæнтæн сын стыр аргъ скодтой Уæрæсейы кæсагахсыны ведомствойы минæвæрттæ. Ацы бонты кусæг балцы ссыдысты Цæгат Ирыстонмæ.
Кæсаджы куыст нæ республикæйы сног кæнын у хъæууон хæдзарады æмæ хойраджы министрады сæйрагдæр нысантæй иу, загъта министр Уазиты Хъазыбег.
