30 мая 2023, 11:50
Афæдзы райдианæй Цæгат Ирыстон Сомихмæ, Гуырдзымæ, Иранмæ æмæ Иракмæ арвыста 155 тоннæйы хор
Ахæм бæрæггæнæнтæ фехъусын кодта хъæууон хæдзарадмæ цæстдарды Цæгат Кавказаг управлени
Афæдзы райдианæй Цæгат Ирыстон Сомихмæ, Гуырдзымæ, Иранмæ æмæ Иракмæ арвыста 155 тоннæйы хор. Ахæм бæрæггæнæнтæ фехъусын кодта хъæууон хæдзарадмæ цæстдарды Цæгат Кавказаг управлени. Æппæты фылдæр хор ласынц Сомихмæ, уыимæ мæнæу, нартхор, хъæбæрхор, хурмæзилæг. Ацы аз хоры фыццаг парти арвыстой Азербайджанмæ. Æрмæст майы райдиан уырдæм аластой 40 тоннæйы. Зынгæ фæфылдæр ис, Белоруссимæ кæй ласынц, уыцы хор æмæ ссис 2 мин тоннæйæ фылдæр. Афганистанмæ арвыстой 550 тоннæйы гæн.
