40 коллективы *хсæн хаст æрцыд 3 хуыздæры хыгъдмæ
Аивадон къорд «Иры стъалытæ» æвзист хæрзиуæг рамбылдта Уæрæсейы чемпионаты адæмон кæфтытæй. 40 коллективы *хсæн хаст æрцыд 3 хуыздæры хыгъдмæ. Конкурсмæ æвзонг артисттæ бацæттæ кодтой 4 номыры. Чемпионаты архайынæй фæстæмæ ма, сывæллæттæ бабæрæг кодтой зындгонд хореогрæфты дæсныйадæвдисæг ахуыртæ. Бæлвырддæр хабæрттæ радзурдзæн Хъайтмазты Дзерассæ.
Габпаты Камилæ кафы 10 азы бæрц. Кæд æм фæлтæрддзинад ис, уæддæр сценæмæ рахизыны размæ æдзух мæт фæкæны, зæгъы чызг. Уæлдайдæр та бæрзонд æмвæзадыл конкурсты куы фæархайы, уæд. Ацы аз февралы аивадон къорд «Иры стъалытæ» Уæрæсейы чемпионатæй адæмон кæфтытæй æрыздæхт æвзист хæрзиуæгимæ.
Ерысты архайдта 40 коллективæй фылдæр. Чемпионат арæзт уыд 2 къæпхæнæй: æвзарæн тур æмæ финал. Уырдæм бахауд æрмæст архайджыты æртыккаг хай. Се *хсæн уыдысты цæгатирыстойнаг артисттæ дæр. Иры стъалытæ ерысмæ цæттæ кодтой мæйы бæрц. Конкурсы равдыстой 4 номыры – кавказаг кæфтытæ.
Балц рауад цымыдисаг. Сывæллæттæ уыдысты зындгонд хореографты дæсныйадæвдисæг ахуырты. Райстой Уæрæсейы сгуыхт артистты фæлтæрддзинад. Се *хсæн ансамбль «Березка»-йы педагог репетитор Елена ГришкОва æмæ Игорь Моисеевы ансамблы экс-солист Владислав ОзерЯнский.
Ивгъуыд аз январы къорд рамбылдта æппæтадæмон конкурс «Времена года. Петербург»-ы гран-при, сæрды та уыд Турчы фæсивæдон фестивалы. Ансамблы репертуары ис 14 аивадон номыры. Ныртæккæ коллектив цæттæ кæны юбилейон концертмæ. Апрелы йыл сæххæст уыдзæн 10 азы.
