Абон дзæуджыхъæуккаг труппæ равдисдзæн, Чеховы пьесæмæ гæсгæ æвæрд спектакль «Леший»
Евгений Вахтанговы номыл Академион уырыссаг театр архайдзæн театралон фестивалы «Мелиховская весна». Абон дзæуджыхъæуккаг труппæ равдисдзæн, Чеховы пьесæмæ гæсгæ æвæрд спектакль «Леший». Сæвæрдта йæ Богдан Петканин. Афтæ фехъусын кодтой республикæйы культурæйы министрадæй. «Мелиховская весна» – у Уæрæсейы рагондæр театралон фестиваль. Традицимæ гæсгæ арæзт фæцæуы Мæскуыйы облæсты Антон Чеховы музей-фæдзæст бынат «Мелихово»-йы. XXIV Æппæтадæмон театрылон фестивалы афишæйы ис 20 постановкæйæ фылдæр. Бацæттæ сæ кодтой Уæрæсейы алы горæтты, Белоруссийы, Азербайджаны, Казахстаны æмæ Алжиры театртæ. Фестиваль саразджыты ныхæстæм гæсгæ, ивгъуыд азы сентябрæй ноябры онг райстой 120 курдиатæй фылдæр. Уыдонæй экспертон совет скодта кæронбæттæн афишæ. Ацы пьесæ хуымæтæджы нæ равдыстой. Чеховы пьесæты хсæн «Леший» бæрæг дары йæ ирд финалæй. Фæуæлахиз вæййынц царды ахсджиагдæр хæзнатæ, уарзондзинад æмæ адæмуарзондзинад. Уæдæ ацы бынаты Чеховы ахъазын дæр хуымæтæджы хъуыддаг нæу, – загъта Академион уырыссаг театры аивадон разамонæг Владимир Уваров.
