филиал вгтрк государственная телерадиовещательная компания “Алания”

Актерты дæсныйады сусæгдзинæдтæ базонын, се сфæлдыстадимæ базонгæ уæвын, культурæйы нырыккон архайджытимæ аныхас кæнын. Уымæй дарддæр фæскулисæтимæ базонгæ уæвыны фадат фæзынд Ирыстоны скъоладзаутæн. Лæппутæ æмæ чызджытæ абалц кодтой Евгений Вахтанговы номыл Академион Уырыссаг театрмæ. Федтой костюмерон цех æмæ гримгæнæн уæттæ. Аныхас кодтой артисттимæ, лæвæрдтой сæм фæрстытæ. Фæндыд сæ базонын, аивадæн лæггад æкнын æнцон у, æви нæ, уый. Акци «Театральное закулисье» арæзт æрцыд, æппæтуæрæсеон проект «Школьная классика» æххæст кæнгæйæ. Йæ саразджытæ фæнд кæнынц ахæм мадзæлттæ дарддæр дæр аразын, уыимæ – республикæйы культурæйы организациты.