2023-æм азы бавнæлдтой реконструкцимæ æмæ техникон ифтонггæрзтæй æххæст кæнынмæ национ проект «Культурæ»-мæ гæсгæ
Алагиры фæцис кинотеатр «Комсомолец»-ы реконструкци. Объект арæзт æрцыд 1948-æм азы. Бирæ рæстæг уыд бынæттон цæрджыты уарзон ирхæфсæн бынат. Куыд æппæт бæстæйы кинотеатртæ, афтæ ивгъуыд æнусы 90-æм азты Алагиры «Комсомолец» дæр заууатмæ цæуын райдыдта, 2017-æм азы та уæвгæ дæр æхгæд æрцыд йæ кæлæддзаг уавæры тыххæй. Цæгат Ирыстоны разамынды хъæппæрисæй, бæстыхай хаст æрцыд республикæйы социалон-экономикон райрæзты мадзæлтты хыгъдмæ. 2023-æм азы бавнæлдтой реконструкцимæ æмæ техникон ифтонггæрзтæй æххæст кæнынмæ национ проект «Культурæ»-мæ гæсгæ. Объектæй фæнд кæнынц пайда кæнын æрмæст куыд кинотеатрæй нæ, фæлæ ма дзы арæзт цæудзысты культурон-дзыллон мадзæлттæ дæр. «Комсомолец»-ы дуæрттæ байгом уыдзысты февралы.