Уый тыххæй йæ телеграмм-каналы ныффыста Сергей Меняйло
Чысыл хæдзарæдты райрæзтæн паддзахад радих кæндзæн 235 милуан сомы — уый тыххæй йæ телеграмм-каналы ныффыста Сергей Меняйло. Республикæйы сæргълæууæг куыд фæбæрæг кодта, афтæмæй аграрон куыстуæттæн æмæ фермерон хæдзæрттæн ис алыхуызон æххуысы мадзæлттæ — уыдонимæ гранттæ æмæ субсидитæ дæр. Нæ нысан у зæхкусджытæм æппæт фæрæзты тыххæй информаци фæхæццæ кæнын. Сергей Меняйло дæнцæгæн æрхаста хъæууон хæдзарады продукци, хомаг æмæ фæлхасады райрæзты программæ. Йæ фæрцы субсидитæ ратдзысты бинонты хæдзарæдтæн, хъæууонхæдзарадон кооперативтæн æмæ афтæ дарддæр. Уымæй уæлдай фермертæн бафиддзысты сæ хæрдзты иу хай. Аграрон къабазы нæ республикæйæн ис хорз хъомыс æмæ уый нымайгæйæ хъæуы спайда кæнын, регион æмæ федералон центр цы æххуысы мадзæлттæ дæттынц, уыдонæй се ппæтæй дæр — бахахх кодта Сергей Меняйло.
