Йæ жанры абарæн кæмæн нæй, ахæм постановкæ, Гæлæуты Анатолийы пьесæмæ гæсгæ
Дыгурон драмон театры сценæйы ногæй спектакль «Нывгæнæг». Йæ жанры абарæн кæмæн нæй, ахæм постановкæ, Гæлæуты Анатолийы пьесæмæ гæсгæ. Сценæмæ йæ рахæссыныл та 7 азы размæ бацархайдта режиссер Уалыты Гиви. Уæд Ирыстоны адæмон нывгæнæг Тугъанты Махарбеджы райгуырдыл сæххæст 135 азы. Спектакль фадат дæтты генийы царды тыххæй бæстондæр базонынæн. Уымæн æмæ кæронмæ иртæстгонд нæма æрцыд. Пандемияйы аххосæй драмæ рæстæгмæ нал æвдыстой. Ныртæккæ та артисттæ ногæй рацыдысты сценæмæ, цæмæй спектакль равдисой ног хуызы. Ивддзинæдтæ хаст æрцыдысты актерты хыгъдмæ дæр. Сæ курдиат дзы æргом кæнынц æрыгон артисттæ. Костюмты нывгæнæг æмæ сценограф у Уалыты Ларисæ. Пьесæ дыгурон æвзагмæ ратæлмац кодта Хадаты Альберт.
