Йæ режиссер Секъинаты Элитæ спектаклыл кусын райдыдта 10 азы размæ
Хъуыстгонд комеди, арф философон хъуыдыимæ. Дыгурон драмон театры цæттæ кæнынц Брэндан Томасы пьесæмæ гæсгæ спектакль «Гостья из Бразилии». Йæ режиссер Секъинаты Элитæ спектаклыл кусын райдыдта 10 азы размæ. Уæд æй ратæлмац кодта дыгурон диалектмæ. Актертæ сæхи премьерæмæ куыд цæттæ кæнынц, уый федта нæ уацхæссæг Тъехты Элинæ, æмæ йын бакæсæм йæ сюжетмæ.
«Тетушка Чарли», «Здравствуйте, я ваша тетя», æмæ «Гостья из Бразилии». Дыгурон драмон театр цæттæ кæны радон премьерæ. Бирæтæ спектакль зонынц киноныв «Здравствуйтæ, я ваша тетя»-мæ гæсгæ. Брэндон Томасы комедион пьесæйы сæйраг хъайтар Гæгуылаты Сосланæн комедийы архайын уæлдай цымыдисаг у.
Спектаклы архайынц куыд адæмон артисттæ, афтæ æрыгон актертæ дæр. Пьесæ комедион кæй у, уый нæ хынцгæйæ дзы æвæрд ис арф философон хъуыды. Актерæн цавæрфæнды роль куы уа, уæддæр хъуамæ уыцы хъуыды бахæццæ кæна адæммæ – зæгъы дыгурон театры актер Габеты Хетæг.
Артисттæ архайынц, цæмæй спектакль адæмæн балæвар кæна хъæлдзæгдзинад æмæ хорз зæрдæйы уаг.
Спектаклы режиссер Секъинаты Элитæ куыд зæгъы, афтæмæй йыл кусын райдыдта 10 азы размæ. Уæд æй ратæлмац кодта дыгурон диалектмæ.
Спектаклы премьерæ уыдзæн 21-æм апрелы, изæры 6 сахатыл оперæ æмæ балеты театры. Ныридæгæн кæнынц фæстаг репетицитæ премьерæйы агъоммæ.
