Адæмон комедийы автор у Хохойты Фидар
Дыгурон паддзахадон драмон театр йæ радон сезон байгом кодта спектакль «Аслæнбеджы милуантæ»-й. Адæмон комедийы автор у Хохойты Фидар. Уый хъæлдзæг жанры равдыста сыхæгты цард. Бæлвырддæр та – чъынды æмæ хæлæггæнаг адæймаджы æппæрццæг миниуджытæ цæмæ расайынц, уый. Спектаклы ирдæй æвдыст цæуы адæмы дзыхæй-дзургæ сфæлдыстад. Спектаклы режиссер Сечъынаты Элитæйы ныхæстæм гæсгæ, ног спекталь сæвæрынмæ рагæй æнхъæлмæ кастысты.
Дыгурон театр йæ 27-æм сезон байгом кодта пьесæ «Аслæнбеджы милуантæй». Спектаклы сæйраг хъайтар Арсæгты Астемырæн Аслæнбеджы роль ахъазын æнцон уыд. Куыд зæгъы, афтæмæй йæхицæн дæр ис ипотекæ, фæлæ, кæй зæгъын æй хъæуы, йæ каистимæ нæ цæры.
Арсæгты Астемыр, Республикæ Цæгат Ирыстон – Аланийы сгуыхт артист: «Æнцон мын уыд, уымæн æмæ мæхицæн дæр ахæм уавæртæ уыд, мæхæдæг дæр ипотекæ фидын. Фæлæ спектаклы мæ хъайтар каистимæ цæры. У уæздан лæг, фæлæ йæ гыццыл цыдæртæ куылымпы кæны. Ирон лæг уæвгæйæ уæддæр йæ æгъдау йæ разæй цæуы».
Драмон камедийы автор у Хохойты Фидар. Куы йæ ныффыста, уæд режиссер Сечъынаты Элитæимæ ыл ма бакуыстой æмæ йæ уæд адæмы рæнхъмæ рахастой. 26-æм сезон дæр сæхгæдтой ацы спектакльæй. Уæд аивадуарзджыты зæрдæмæ тынг фæцыд æмæ ныр ног сезон дæр бакодтой ацы спектаклæй.
Сечъынаты Элитæ, РЦИ-А сгуыхт артисткæ: «Нæ зæрдæтæ тынг барухс сты. Адæмы къухæмдзæгъдыл бæрæг уыд, сæ зæрдæмæ кæй фæцыд, уый. Пьесæ фыццаджыдæр у куыд националон драматурги. Хохойты Фидар фыццаг къахдзæфтæ ракодта æмæ йæм мах дæр фæкастыстæм. Сценæйы бирæ фарстатæ æвдисæм. Адæмы хъæуы кæрæдзийæн хатыр кæнын. Зæрдæ дарæм, уыдон сценæйы куы феной, уæд бирæ фарстатыл ахъуыды кæндзысты».
Кæд Гаситы Ирбегæн йæ роль хæрзгыццыл у, уæддæр дохтыры равдыста иттæг хорз. Равдыстой тагъд æххуысы машинæ йæхи куыддæриддæр фæдары, уый. Йæ роль гыццыл у, фæлæ уыцы рæстæгмæ адæмы тынг бахъæлдзæг кодта.
Гаситы Ирбег, Дыгурон театры актер: «Абон дыгурон театрæн ис стыр бæрæгбон. Бæрæг кæнæм нæ 27 сезон. Фæнды мæ нæ уарзон театрдзаутæн зæрдæмæдзæугæ постановкæтæ цæттæ кæнын, цæмæй нæм арæхдæр цæуой. Нæ сезон гом кæнæм рог комедийæ. У тынг актуалон. Хъазын санитары ролы. Кæд гыццыл, уæддæр тынг хъæлдзæг роль у. Царды мидæг дохтыртæ сæхи куыд æвдисынц, уый равдыстам сценæйы».
Актерты дæсныйад æмæ спектаклы ахсджиаг темæтæ. Царды актуалон фарстатæ равдыстой сценæйы. Уæлдай æнтыстджын равдыст уый тыххæй рауад, æмæ дзы хъазынц куыд хистæртæ, афтæ æрыгон актертæ дæр. Бирæтæ йæм дыккаг хатт бакæсынмæ дæр æрбацыдысты.
Гергиты Ларисæ, Дыгурон драмон театры аивадон разамонæг, УФ адæмон артисткæ, РСО-А адæмон артисткæ: «Сегодня мы открываем 27 сезон. Это для нас большой праздник. Этим спектаклем мы завершили 26 сезон и новый сезон открываем им же».
Пьесæ рухс куы федта, уæд бирæты зæрдæмæ фæцыд. Ныр æм дыккаг хатт бирæтæ æрбацыдысты се мбæлттимæ.
Тахъазты Беллæ: «Спектаклы тыххæй фехъуыстон мæ зонгæйæ. Æрбацыдтæн мæ бинонтимæ. Афишæ федтон. МÆ зæрдæмæ тынг фæцыд æмæ мæ бафæндыд æрбацæуын».
Дыгурон театр йæ 27 сезон пьесæ Аслæнбæджы милуантæй хуымæтæджы нæ райдыдта. Ирдæй дзы æвдыст цæуы адæмы цард. Комеди уæвгæйæ адæмы фæхудын кодта æмæ равдыста царды сæйраг темæтæ.
