филиал вгтрк государственная телерадиовещательная компания “Алания”

Дзæуджыхъæуы фыццаг хатт арæзт æрцыд Мариинаг театры филиалы симфонион оркестры концерт. Архайдтой дзы аивæдты скъолайы æвзонг музыканттæ. Дирижеры пульты уæлхъус уыд æппæтуæрæсеон æмæ æппæтадæмон конкурсты лауреат Илья Петренко. Сценæйæ азæлыдысты дунеон классикты уацмыстæ. Аивадуарзджытæн та фадат уыд Иоганн Себастьян Бахы, Антонио Вивальдийы æмæ Эдвард Григы музыкалон шедевртæм байхъусынæн. Уæдæ стыр æхсызгондзинад изæры уазджытæн æрхастой ирыстойнаг композиторты Махъоты ацæмæзы æмæ Æлборты Феликсы уацмыстæ дæр. Аивæдты скъолайы бирæ солисттæн ацы концерт сси фыццаг рацыд стыр сценæмæ. Фæлæ сæ ныр дæр фидарæй уырны, разæй ма сæм бирæ ахæм музыкалон изæртæ кæй уыдзæн, уый.