Сезон байгом кодтой хæрзаудæн спектакль «Щелкунчик»-æй
«Щелкунчик», «Летучий корабль», «Конек – горбунок», «Волшебная лампа Алладина». Дзæуджыхъæуы уынгтæй уæлдай ма Ног азы тæваг банкъарæн ис Уырыссаг академион театры дæр. Сезон байгом кодтой хæрзаудæн спектакль «Щелкунчик»-æй. Æмæ кæд бирæтæн зонгæ у, уæддæр артисттæ бакуыстой, цæмæй сабитæ æмæ сæ ныййарджытæ ног æнкъарæнтæ райсой, ууыл. Равдыстмæ хуынд æрцыд не сфæлдыстадон къорд дæр, æмæ бæлвырддæр хабæрттæ радзурдзæн Тъехты Элинæ.
Артистты арæхстджын куыст, рæсугъд æмæ ирд уæлæдарæс, стæй цымыдисаг музыкæ. Традицимæ гæсгæ, Ног азы сезон уырыссаг академион театр байгом кодта хæрзаудæн спектаклæй. Гофманы «Щелкунчик»-мæ бакæсынмæ æрбацыдысты бирæсывæллонджын æмæ æххуысхъуаг бинонтæй сабитæ, уыимæ се нæниздзинад хъыгдард кæмæн у, уыдон дæр. Уæдæ уазджыты хсæн уыд, зын боны фæстæ йæхи аирхæфсынмæ чи рбацыд, ахæм адæм дæр.
Ног азы бæрæгбоны тæваг банкъарыны фадат уыд алкæмæн дæр. «Щелкунчик» у, хорздзинад фыдракæндыл кæй фæуæлахиз вæййы, уый вдисæн. Æмæ Ног азы агъоммæ сывæллæттæн лæвар кæны æцæг бæрæгбон. Актертæ зæрдиагæй бакуыстой, цæмæй зонгæ аргъау сывæллæттæн æмæ сæ ныййарджытæн балæвар кæна æцæг бæрæгбон. Æмæ ууыл хъуыды кæнгæйæ, фæллад дæр нæ æмбæрстой – зæгъы театры аивадон разамонæг Владимир Уваров.
«Летучий корабль», «Конек – горбунок», «Волшебная лампа Алладина». «Щелкунчик»-æй уæлдай ма сабитæм æнхъæлмæ кæсынц бирæ цымыдисаг аргъæуттæ. Бакæсæн сæм уыдзæн 20-æм декабрæй 8-æм январы онг.
