Ацы хатт экспозицимæ хаст æрцыд 20 куысты
Сæбанты Ирбеджы сфæлдыстад бирæтæ зонынц. Уымæн æмæ нывгæнæг йæ куыстыты æвдисы æцæг дуне, фæлæ хатгай аргъауы уылты. Пайда та кæны акрилæй ахорæнтæй. Кæд æрыгон нывгæнæг у, цæуы йыл æрмæстдæр 27 азы, уæддæр йæ ном ныридæгæн дæр хъуыстгонд у критиктæн æмæ аивадиртасджытæн. Ивгъуыд аз Ирбег райста Гран-при фестиваль «Арт-Май»-йы. Арæзт æрцыд Кисловодскы. Уæд равдыст «Сфæлдыстадон альянс»-мæ бахаста 13 нывы. Стыртæ нæ уыдысты, фæлæ ахадгæ, æмæ цæст рæвдыдтой. Нывгæнæг райгуырди 21-æм сентябры 1992-æм азы Дзæуджыхъæуы. 2018-æм азы каст фæци Цæгат Ирыстоны паддзахадон университет. 19-æм азы та бацыд Уæрæсейы нывгæнджыты Цæдисмæ. Зæгъдзыстæм ма уый дæр, æмæ Ирбег каст фæци Дзæуджыхъæуы Джанайты Азанбеджы номыл аивадон училищæйы дизайны факультет. Ацы хатт экспозицимæ хаст æрцыд 20 куысты. Конд сты акрилæй, декоративон техникæйæ пайда кæнгæйæ. Сæбанты Ирбеджы нывтæ хицæн кæнынц бæлвырддзинадæй, цардмæ уарзондзинадæй, ирд ахорæнтæй æмæ æгæрон фантазийæ. Йæ æппæт уацмыстæ сты алфамбылай дунейы æмæ сылгоймæгты рæсугъддзинадыл дзурæг
