Ацы цауимæ баст кадджын мадзал арæзт æрцæудзæн 30-æм апрелы
Мæскуыйы Евгений Вахтанговы номыл театры хъæппæрисæй арæзт æрцæудзæн 16 сфæлдыстадон мадзалы режиссеры хæдзар-музейы Дзæуджыхъæуы. Ацы цауимæ баст кадджын мадзал арæзт æрцæудзæн 30-æм апрелы. Уæд, егъау рацарæзты фæстæ, байгом уыдзæн Евгений Вахтанговы хæдзар-музей, стæй стыр концерт. 2-æм майы та Вахтанговы хæдзар суазæг кæндзæн фыццаг аивадуарзджыты. Сфæлдыстадон фæз сæ курдиатæй саив кæндзысты Евгений Князев, Юрий Шлыков, Юлия Рутберг, Александр Олешко, Людмила Максакова, Ольга Тумайкина, Эльдар Трамов. 3-æмæй – 8-æм майы онг Вахтанговы скъолайы фæдонтæ Дзæуджыхъæуы равдисдзысты спектакльтæ: «Евгенйи Онегин», «Мадмуазель Нитуш», «Царь Эдип», «Ричард Третий», «Аленький цветочек», «Дневник Анны Франк», стæй «Любовь у трона». Дзæуджыхъæуы хæдзар-музей суыдзæн культурон центр, ома Евгений Вахтанговы мæскуыйаг театры филиалы статусы. Дыккаг уæладзыджы æппынæдзухдæр кусдзæн музейон экспозици. Фыццаг уæладзыджы та уыдзæн чысыл театралон-концертон зал.
