филиал вгтрк государственная телерадиовещательная компания “Алания”

Фæсивæдон библиотекæйы уыд æхсызгон фембæлд. Æрбахуыдтой йæм зындгонд композитор Хосроты Тамерланы. Хъуыстгонд педагог схъомыл кодта бирæ æнтыстджын музыканты. Се хсæн дирижертæ: Муриты Данæ, Зæнджиаты Тимур, Æлбегаты Георгий æмæ иннæтæ. Ныртæккæ та Цæгат Ирыстоны аивæдты сгуыхт архайæджы æмæ симфонион дирижеры скъолайы бындурæвæрæджы разамындæй ахуыр кæнынц 9 курдиатджын æвзонг музыканты. Хосроты Тамерлан йæхæдæг куыд зæгъы, афтæмæй уæлдай курдиат кæмæ ис, ахæм сывæллæтты нæ агуры, фæлæ сæм йæхæдæг гурын кæны сфæлдыстадон талатæ. Алы адæмйагæн дæр сæйрагдæр у царды хæс равзарын, æмæ йæм уæндон къахдзæфтæ кæнын, – зæгъы педагог.