филиал вгтрк государственная телерадиовещательная компания “Алания”

Гæздæнты Булаты номыл адæмон инстументты национ паддзахадон оркестры стыр концерт арæзт æрцыд Тæбæхсæуты Балойы номыл Ирон академион театры. Аивадуарзджыты размæ рахастой ног репертуар, фæлæ дзы зæлыдысты адæмæн уарзон чи сси, ахæм уацмыстæ дæр. Сфæлдыстадон изæры кадджын уазæг уыди Булат йæхæдæг. Æнусы рдæгæй фылдæр у оркестры æнæивгæ аивадон разамонæг. Композициты фылдæр хай сты Гæздæнты Булатæн йæхи фыст. Зындгон артисттимæ иу сценæйы ацы изæр сæхи равдыстой æрыгон музыканттæ дæр.