Тыллæгæн йæ фылдæр хай у сæрмагондæй ногæй бакусынæн, ома хæдзарон фосæн холлагæн æмæ крахмал аразынæн
Горæтгæрон районы кæронмæ фæхæццæ кæны алы мыггæгты нартхор æфснайыны куыст. Тыллæгæн йæ фылдæр хай у сæрмагондæй ногæй бакусынæн, ома хæдзарон фосæн холлагæн æмæ крахмал аразынæн. Аграрон кусджыты ныхæстæм гæсгæ ацы аз уыд хус рæстæг. Уымæ гæсгæ республикæйы хæдзарæдтæ баййæфтой хæрдзтæ. Фесæфти сæ тыллæджы цыппæрæм хай. Уæддæр фермертæ сæ къухтæ не руагътой, боныхъæды уавæртæ нæ хынцгæйæ бацархайдтой бæркадджын тыллæг сисыныл. Горæтгæрон районы хуымзæххыты иумæйаг бæрц у 20 мин гектары. Хæдзарæдты æрзайын кæнынц фæззыгæндтæ æмæ алыхуызон культурæтæ. Кæй зæгъын æй хъæуы, ис сæм картоф, стæй фылдæр быдырты та нартхор. Уый зайы 15 мин гектарыл. Тыллæг сисынмæ хъавынц хæстæгдæр рæстæг.