Цы хъуыддæгтыл æрныхас кодтой, уыдонæн сæ сæйрагдæртæ уыдысты уалдзыгон-быдырон куыстытæ æмæ хъæууон хæдзарады рæзты федералон программæты архайд
Республикæйы хъæууон хæдзарады министр Къусраты Аланæн фембæлд уыди Мæздæджы районы аграритимæ. Цы хъуыддæгтыл æрныхас кодтой, уыдонæн сæ сæйрагдæртæ уыдысты уалдзыгон-быдырон куыстытæ æмæ хъæууон хæдзарады рæзты федералон программæты архайд. Кусæг балцы ма министримæ уыдысты ацы къабазы специалисттæ, æмæ Уæрæсейы хъæууон хæдзарады центры регионалон филиалы разамынд. Зианхæссæг цæрæгойтимæ тох, хæрзхъæд тауæн æрмæгæй спайда кæнын, стæй хъæууон хæдзарады къабазы куыст иууылдæр нымæцонмæ раивын – аграритæн зæрдæ бавæрдтой риссагдæр фарстатæ аиуварс кæныны баххуыс кæнынæй. Ныхас цыди фосдарынады къабаз райрæзын кæныныл дæр. Цалдæр фарстайыл дзы ныридæгæн баныхас кодтой. Уæдæ уалдзыгон куыстытæ дæр райдайдзысты афоныл. Уымæй уæлдай, милиорацийы субсидиты прогаммæйы чи архайдта, уыцы куыстуæттæ хæстæгдæр рæстæг райсдзысты фæрæзтæ. Программæйы цы 5 хæдзарады архайдта, уыдон сæвæрдтой кусæнгæрзтæ, æмæ быдыртæ донхорыг кæнынмæ бацæттæ кодтой, æнæхъæн комплексон мадзæлттæ.
