филиал вгтрк государственная телерадиовещательная компания “Алания”

 Хуссар Ирыстоны сгуыхт нывгæнæг Кæсæбиты Андрейы куыстыты равдыст байгом республикон наукон библиотекæйы. Ныв кæнын йæ зæрдæмæ цыд йæ сабибонтæй фæстæмæ. Каст фæцис сывæллæтты нывкæнынады скъола, Цхинвалы Тугъанты Махарбеджы номыл аивадон училищæ, æмæ Цæгат Ирыстоны паддзахадон университеты аивæдты факультеты нывкæнынады хайады 1-æм курс. Уый фæстæ райдыдта хæст, æмæ æрыгон лæппуйы аивадмæ нал æвдæлыд. 1995-æм азы хъæдæрмæгæй ралыг кодта сурдымæн, æмæ та йæм ногæй сæвзæрд сфæлдыстадмæ цымыдисдзинад. Афтæ фæзындысты хъæдæй конд скульптурæтæ, фæстæдæр та бронзæйæ æмæ бур æмтадæй. Йе нкъарæнтæ Кæсæбиты Андрей æвдисы алы æрмæджыты фæрцы.