Стыр æргом дзы аздæхтой, ацы аз сæм цы ногдзинæдтæ фæзынд, уыдонмæ
Тæбæхсæуты Балойы номыл Ирон академион театры уыд афæдзы куысты кæронбæттæн конференци. Стыр æргом дзы аздæхтой, ацы аз сæм цы ногдзинæдтæ фæзынд, уыдонмæ. Фыццаджыдæр, 2023-æм азы нысан кæнынц сæ бæстыхайы тематикон кафе байгом кæнын. Уыдзæн ма дзы æндæр цымыдисаг хъуыддæгтæ дæр. Театры разамынд ма фæнд кæны литературон изæртæ аразын дæр. Фæлæ уый – фидæны. Ацы азы æнтыстдзинæдтыл дзургæйæ та бафиппайдтой – нырæй фæстæмæ цыфæнды спектакльмæ дæр билеттæ балхæнæн кæй ис онлайн хуызы. Уыимæ кассæтæ кусдзысты, куыд куыстой, афтæ. Зæгъдзыстæм ма уый дæр, æмæ театры архайд фæпарахатдæр. Алы мæй дæр коллектив цæудзæн Мæздæгмæ, æмæ дзы æвдисдзæн ног постановкæтæ. Фыццаг ахæм спектакль уыдзæн «Ромео æмæ Джульеттæ».