2023-æм азы сфæлдыстадон мадзал æххæст кæнынц, проект «Наукæ æмæ культурæ – адæмы тых»-мæ гæсгæ
Ирон музыкæйы традицион бæрæгбон «Азар, фæндыр!» ацы аз сæмбырд кодта адæмон инструменттыл цæгъдджыты республикæйы æппæт районтæй. Ацы хатт сæ суазæг кодта сывæллæтты æмæ фæсивæды рæзты центр «Заря». 2023-æм азы сфæлдыстадон мадзал æххæст кæнынц, проект «Наукæ æмæ культурæ – адæмы тых»-мæ гæсгæ. Уый та у фæндзæм республикон патриотон акци «Фыдыбæстæйы сæраппонд! Райгуырæн бæстæйы кадæн!». Форумы архайджытæ традицимæ гæсгæ равдыстой иттæг хорз цæттæдзинад. Аивадон изæры азæлыдысты Кавказы адæмты мелодитæ, стæй Ирыстоны композиторты уацмыстæ. Фестиваль саразджытæ куыд зæгъынц, афтæмæй афæдзæй-афæдзмæ йæ архайджыты нымæц рæзы, уымæн æмæ нæ республикæ хъæздыг у курдиатджын фæсивæдæй.