Царды йæ уадзы Цæгат Ирыстоны театралон архайджыты цæдис
«Ивгъуыд æнусы легендарон спектакльтæ». Ахæм проект æххæст кæнын райдыдтой камерон театр «ШКиТ»-ы. Царды йæ уадзы Цæгат Ирыстоны театралон архайджыты цæдис. Спектальтæ æмбырд кодтой 7 азы дæргъы. Архив хъæздыг у. Цæгат æмæ Хуссар Ирыстоны театрты æвæрд спектакльтæ, брошюрæтæ æмæ хуызистытæ. Равдыстыты цикл байгом кодтой «Зæххон хуыцæуттæй». Сæвæрдта йæ республикæйы аивæдты сгуыхт архайæг, режиссер Бекъойты Розæ. Дзуры, хæстон æмæ хæсты фæстæ рæстæджы уæззау уаргъ кæуыл æрæнцад, уыцы сылгоймæгты тыххæй. Æнæ нæлгоймæгтæй баззадысты, æмæ сæ хъуыд сывæллæтты хъомыл кæнын, зæрæдтæм кæсын æмæ хæдзарад дарын. Зындгонд спектакльтæ æвдисдзысты алы дыццæг 19 сахатыл. Бабæрæг кæнын сæ у алкæйы бон дæр.
