Ацы хъуыддагмæ цæрджытæ рагæй æнхъæлмæ кастысты
Мæздæджы районы ахсджиаг культурон цау. Киевскæйы бындурон цалцæджы фæстæ байгом культурæйы хæдзар. Ацы хъуыддагмæ цæрджытæ рагæй æнхъæлмæ кастысты. Бæстыхай арæзт æрцыд 1957-æм азы. Æмæ йæм ныры онг бындуронæй зылд никуы уыд. Бæлвырддæр хабæрттæ радзурдзæн Хъайтмазты Дерассæ.
Культурæйы хæдзар Мæздæджы районы Киевскæйы байгом кодтой кадджын уавæры. Ацы цаумæ хъæуы рагæй æнхъæлмæ кастысты. Дæргъвæтин цалцæджы фæстæ та культурон артдзæст йæ дуæрттæ байгом кодта, сфæлдыстад æмæ аивад чи уарзы, уыдонæн.
Уазджытæн бацæттæ кодтой бæрæгбоны программæ. Сæ арæхстдзинад равдыстой кафæн къордтæ, зарæггæнджыты ансамбльтæ æмæ аивадон хихъæппæрисады архайджытæ.
Бæстыхайы истори райдыдта 1957-æм азты. Бындуронæй йæм ныры онг никуы базылдысты. Бирæ хъæдын конструкцитæ нал бæззыдысты. Бындурон цалцæджы рæстæг бантыст бахъахъхъæнын барельефтæ, декоры ахсджиаг элементтæ. Уыдон хистæр кары адæмы аздахынц се *рыгон бонтæм, 60-йæм азты стиль та рахæссынц нырыккон цардмæ. Культурæйы хæдзары сног кодтой бæстыхайы сæр, пъолтæ, баивтой рудзгуытæ, саив кодтой разуынд. Æххæстæй баивтой инженерон хызтæ дæр.
Культурæйы хæдзар у ирхæфсæн центр сывæллæттæн æмæ хистæртæн. Ам, цалцæггонд библиотекæйы ног кæнынц æрмдæсныйады рагон традицитæ. Рацарæзты рæстæг чиныгдоны куыст иу бон дæр не *рлæууыд.
Республикæйы ацы аз нацпроект «Культурæ»-мæ гæсгæ æрмæст ацы культурæйы хæдзар не сцалцæг кодтой. Ахæм центртæ ма байгом станицæ Терскæйы, Црауы æмæ Сунжæйы.
