Киноныв адæмы размæ рахастой йæ режиссер Кира Коваленко, сæйраг роль саразæг Æгъузарты Миланæ æмæ продюсер Александр Роднянский
Киноныв «Разжимая кулаки» равæрдтой Каннæты 74-æм кинофестивалы, программæ «Особый взгляд»-ы фæлгæты. Киноныв адæмы размæ рахастой йæ режиссер Кира Коваленко, сæйраг роль саразæг Æгъузарты Миланæ æмæ продюсер Александр Роднянский. Кинонывы архайд цæуы Цæгат Ирыстоны. Шахтеры гыццыл поселок Мызуры. Фыдбылызы фæстæ йæ бинонты æрбаласта Зауыр. Йæ лæппутæ æмæ чызджы хъомыл кодта домагæй. Кинонывы режиссеры ныхæстæм гæсгæ ацы истори саразыны хъуыды фæзынд Фолкнеры роман «Осквернитель праха»-йы ныхæстæй. Ома бирæты бон нæу фæрæзон уæвын искæмæн лæггад кæнын, уымæй тынгдæр та сæрибардзинадæн быхсон разынын дæр алкæйы бон нæу. Кира Коваленко у зындгонд Александр Сокеровы ахуыргæнинаг. Ацы кинолентæ у йæ дыккаг режиссерон куыст. Зæгъын ма хъæуы уый дæр, æмæ киноныв иронау ист кæй у, уый.
