18 октября 2022, 10:51
Мæздæджы адæмон театр йæ ног сезон байгом кодта йæ уарзон горæтмæ уарзондзинады æнкъарæнтæй
Документалон-поэтикон уацмысæн бындур æвæрд æрцыди горæты боны хæдразмæ
Мæздæджы адæмон драмон театр йæ ног сезон байгом кодта йæ уарзон горæтмæ уарзондзинады æнкъарæнтæй. Документалон-поэтикон уацмысæн бындур æвæрд æрцыди горæты боны хæдразмæ. Æмдзæвгæтæ, зарджытæ, романстæ… Йæ бындуры – Мæздæджы алы азты историон цаутæ. Театрализацигонд равдысты хъуыстысты Мæздæджы кадæн бынæттон поэтты æмдзæвгæтæ. Режиссеры æрхъуыдыдзинады фæрцы аивадуарзджыты размæ рахастой, сæйраг хъайтар сæ уарзон горæт кæм у, ахæм спектакль. Историон контекст баххæст кодтой районы культурæйы галуаны сфæлдыстадон къордтæ.