Мæнæу дзы ахсы 30 мин гектарæй фылдæр, ныртæккæ сæйрагдæр куыстытæ цæуынц ам
Мæздæджы районы хæдзарæдты куыстытæ цæуынц æнæрлæугæйæ. Мæнæу дзы ахсы 30 мин гектарæй фылдæр, ныртæккæ сæйрагдæр куыстытæ цæуынц ам. Уымæй уæлдай, æфснайынц хъæбæрхор æмæ рапс. Районы нысан кæнынц 100 мин тоннæйæ фылдæр тыллæг сисын. Нырыккон техникæйы фæрцы зæхкусджытæ фæллой кæнынц æнцондæрæй. Комбайнты ис кондиционертæ, навигатортæ, æмæ суанг уазалгæнæнтæ дæр. Тыллæг æфснайыны кампанийы фылдæр пайда кæнынц аграритæн сæхи хъæууонхæдзарадон техникæйæ, фæлæ сыхаг регионтæй райстой арендæйы дæр. Ацы рæстæг се ппæт аграрон кусджыты дæр тыхсын кæны иу фарста, хорæн цавæр аргъ уыдзæн, уый. Куыд пайдаимæ йæ ауæй кæндзысты, уымæй аразгæ уыдзæни, фидæнмæ цас зæххытæ бахуым кæндзысты, уый.
