Хихъæппæрисадон театрты конкурс-фестивалы стыр æнтыстдзинæдтæ сæ къухы куы бафтыд, уæд спектакль равдыстой Мæздæджы аивадуарзджытæн дæр
Мæздæджы театр-студи «Триумф»-ы сценæйы æвæрд æрцыди Пушкины «Пир во время чумы».Хихъæппæрисадон театрты конкурс-фестивалы стыр æнтыстдзинæдтæ сæ къухы куы бафтыд, уæд спектакль равдыстой Мæздæджы аивадуарзджытæн дæр. Æрыгон режиссер Вячеслав Хабитов бацархайдта, зындгонд фыссæджы уацмыс абоны æцæгдзинæдтимæ коронавирусы пандемийæимæ бабæттыныл. Афтæ, актертæ Владимир Гречаный, Елена Давыдова, Вячеслав Хабитов сценæйы равдыстой æхсæнады дихдзинад, рыст æмæ æнæзонддзинад. Театрдзауты æнкъарæнтыл ма æфтыдтой тар ахорæнтæ æмæ рухсытæ, декорациты æмæ сæ кæрæдзийы хсæн æнкъард ахастдзинæдтæ. Классикы дзырдтæ спектаклы хъайтартæ кастысты цавæрдæр æнахуыр стильмæ гæсгæ. Спектакль кæд ног хуызы азæлыд, уæддæр Пушкины поэзи уарзджытæн сæ зæрдыл æрлæууын кодта йе нæмæлгæ рæнхъытæ. Режиссеры æрхъуыдыдзинадмæ гæсгæ кæронбæттæны сценæйы фæзынди «кью ар-код».
