Æрмдæсны абон иухуызон æнтыстджынæй архайы нывкæнынады, графикæйы, скульптурæйы, аразы алыхуызон æрмдæсныйады дзаумæттæ
«Нарты бæстæм фæндаг». Эпосимæ баст сюжетты лыстæг хъуыддæгтыл Дзæуджыхъæуы аивæдты училищæйы студенттæн радзырдта республикæйы сгуыхт нывгæнæг Хетæгкаты Аслан. Æрмдæсны абон иухуызон æнтыстджынæй архайы нывкæнынады, графикæйы, скульптурæйы, аразы алыхуызон æрмдæсныйады дзаумæттæ. Æппæтæй тынгдæр æй разæнгард кæнынц Нарты кадджытæ. Хуымæтæг иллюстрацитæй райдай æмæ фæуы Цхинвалы театры монументалон фыстытæй. Ацы фембæлд арæзт æрцыди ирон Нартиадæйы афæдзы фæлгæты. Мадзалмæ хуынд æрцыди республикæйы культурæйы министр. Галазты Эдуард йæ раныхасы куыд загъта, афтæмæй Ирыстоны культурæйы Нарты кадджытæн ис стыр, абарæн кæмæн нæй, ахæм ахадындзинад. Бæрнон кусæг дзуæппытæ радта училищæйы студентты æмæ ахуыргæнджыты фæрстытæн.
