Диаспорæйы бæллиц у, цæмæй центр уа зæронд сомихаг скъолайы
Сомихаг национ-культурон æхсæнад «Эребуни» фæнд кæны Дзæуджыхæуы саразын культурон центр. Диаспорæйы бæллиц у, цæмæй центр уа зæронд сомихаг скъолайы. Ныридæгæн бæстыхай ис мидхъуыддæгты министрадмæ. Æхсæнад «Эребуни»-мæ раттыны размæ йын скæндзысты цалцæг. Бæлвырддæр хабæрттæ радзурдзæн Тъехты Элинæ.
Сомихаг скъолайы зæронд бæстыхай у æнæхъæн æнусы историйы æвдисæн. Сарæзтой йæ 20-æм æнусы райдайæн. 1924 азы скъолайы уыд 220 ахуырдзауы, фæлæ йыл 50 азы куы ххæст кодта, уæд сывæллæттæ фæкъаддæр сты. Уыцы рæстæг дзы сарæзтой профессионалон – техникон училищæ. 1992 азы та бæстыхай балæвæрдтой УФ-йы мидхъуыддæгты министрадмæ.
Фыдыбæстæйы Стыр хæсты рæстæг бæстыхайы æрбынат кодтой 29-æм кавалерион полчы къорд æмæ цæгатварс къорды фæскавказон фронты æфсæддонты штаб. Ныр дзы ис мидхъуыддæгты министрады исбоны скълæдтæ. Бацæуæн сæм нæй. Скъолайæн ног цард раттын фæнд кæнынц сомихаг æхсæнады минæвæрттæ. Ныридæгæн сæ курдиат бахастой РЦИ-А-йы мидхъуыддæгты министр Андрей Сергеевмæ. (плашка) Фембæлды хатдзæгтæ сты ведомствæйы сайты. Гæххæттыты фыст ис: «Нырыккон домæнтæм гæсгæ ведомствæтæ скълæдтæн цы комплекс сараздзысты, уый цалцæггæнæн куыстытæ кæронмæ куы рцæуой, уæд «Сомихаг скола» арвитдзысты Уæрæсейы исбоны Упарвленимæ». Сомихаг национ-культурон æхсæнад «Эребуни»-йы сæрдар куыд зæгъы, афтæмæй хатдзæгтæй разы сты.
Куыддæр УФ-йы мидхъуыддæгты министрадæй бæстыхай республикæмæ рацæуа, афтæ дзы сараздзысты культурон центр. Уыдзæн дзы конференц – зал, сомихаг æвзаг ахуыр кæнынæн æмæ спортæй архайынæн хицæн бынæттæ.
Зæронд сомихаг скъола историон цыртдзæвæны ном райста 4 азы размæ. Бахастой йæ культурон бынты объектты паддзахадон реестрмæ. Бæстыхай ис æвзæр уавæры. Ахæм хатдзæг скодтой комитеты минæвæрттæ. Мониторнгмæ гæсгæ, цæмæй бæстыхай аккаг уавæры уа, уый тыххæй нæ аразынц хъæугæ мадзæлттæ.
Фарста лыггæныны размæ мидхъуыддæгты министрад фæнд кæны бæстыхайы сцалцæг кæнын. Æхсæнад «Эребуни»-йæн фадат уыдзæн куыстытæн аккаг аргъ скæнынæн.
