Куыстыты автор у Тедеты Зауыр
Национ музейы байгом фотопроект «Maskus»-ы фыццаг блокы равдыст. Куыстыты автор у Тедеты Зауыр. Экспозицимæ хаст æрцыдысты рагон хæдзаронты маскæтæ, стæй сæ нырыккон хуызтæ. Тугъанты Махарбеджы эскизтæм гæсгæ сыл бакуыста Хуыгаты Аланæ. Проекты авторы ныхæстæм гæсгæ, Ирыстоны ацы темæ цæмæдæр гæсгæ, рохуатмæ цæуы. Кæд æмæ кæддæриддæр хæдзаронтæ уыдысты адæмон традициты æнæивгæ хай. Сыхаг республикæты маскæтæ канд хъахъхъæд не рцыдысты, фæлæ ма сæ бындурыл бынæттон æрмдæснытæ æрхъуыды кæнынц æмæ царды рауадзынц сæ ног хуызтæ. Фидæны проекты архайæг командæ фæнд кæны Абхазы, Дагестаны, Кæсæг-Балхъары, Адыгейы æмæ Хъæрæсе-Черкесийы адæмыхæттыты культурæты маскæтæ иртасын. Ацы равдыст та фенæн уыдзæн 8-æм январы онг.
