филиал вгтрк государственная телерадиовещательная компания “Алания”

Национ музейы дарддæр цæуы нывгæнæг-монументалист, Уæрæсейы Федерацийы сгуыхт нывгæнæг Цæллагты Викторы куыстыты сæрмагонд равдыст. Баст у йе 60 азы юбилеимæ. Экспозицимæ хаст æрцыдысты 80 куыстæй фылдæр. Сты алы азты æмæ алы жанрты конд. Равдыст байгом кæныны бон Цæллагты Викторæн раарфæ кæнынмæ æрбамбырд сты йе*мкусджытæ, хæлæрттæ, сфæлдыстадон интеллигенцийы минæвæрттæ, аивадуарзджытæ. Се ппæты хъуыдымæ гæсгæ, нывгæнæджы сфæлдыстадон æрмдзæф хицæн кæны академион зонындзинæдтæй ахадгæйæ кæй пайда кæны, уый. Виктор куыд загъта, афтæмæй йæм бирæ фæндтæ ис, æмæ йæ зæрдæ дары, йæ хуыздæр куыст кæй нæма скодта, ууыл. Зæгъдзыстæм ма уый, æмæ равдыст фенæн уыдзæн 21-æм январы онг.