19 мая 2023, 12:00
Национ наукон библиотекæйы байгом æрвылазон аивадон равдыст «Молодость Осетии»
Æдæппæтæй 80 нывæй фылдæр
Национ наукон библиотекæйы байгом æрвылазон аивадон равдыст «Молодость Осетии». Экспозицимæ хаст æрцыдысты æрыгон нывгæнджыты, Цæгат Ирыстоны паддзахадон университеты аивæдты факультеты, Дзанайты Азанбеджы номыл училищæйы æмæ нæ бæстæйы профилон уæлдæр ахуыргæнæндæтты рауагъдонты куыстытæ. Æдæппæтæй 80 нывæй фылдæр. Се ппæт дæр конд сты академион нывкæнынады, абстрактон аивады æмæ æмхæццæ техникæйы жанрты. Зæгъдзыстæм ма уый дæр, æмæ æппæт куыстытæ ацыдысты æвзарæн къæпхæн. Бæстон сæм æркастысты бæрнон жюрийы уæнгтæ. «Молодость Осетии» схонæн ис экспериментты равдыстæй. Нывгæнджытæ дзы агурынц сæхи стиль. Афæдзæй-афæдзмæ æвдисынц алыхуызон жанртæ, стильтæ, стæй ма сфæлдыстадмæ хицæн цæстæнгас дæр.
