Экспозицимæ бахастой зындгонд мæскуыйаг скульптор Цхуырбаты Оледжы, нывгæнджытæ Еленæ, Илья æмæ Ольгæйы куыстытæ
Нырыккон аивады центры Дзæуджыхъæуы байгом равдыстыты проект «Бинонты портрет интерьеры. Цхуырбатæ». Экспозицимæ бахастой зындгонд мæскуыйаг скульптор Цхуырбаты Оледжы, нывгæнджытæ Еленæ, Илья æмæ Ольгæйы куыстытæ. Конд сты графикæйы, нывкæнынады æмæ скульптурæйы жанрты. Уымæй дарддæр равдысты фенæн ис бирæ цымыдисаг видеоæрмæджытæ æмæ документтæ. Семæ базонгæ нæ уацхæссæг Бокоты Виктория, æмæ йын ныхасы бар.
Хицæн адæймæгты истори, се сфæлдыстад æмæ цардвæндаг. Равдыстыты проект «Семейный портрет в интерьере. Цхурбаевы» равæрдтой нырыккон аивады паддзахадон центры Дзæуджыхъæуы. Цхуырбаты Олег у сфæлдыстадон династийы бындурæвæрæг. Куыд радзырдта, афтæмæй йын ацы равдыст фадат дæтты йæ курдиатмæ фæрсырдыгæй бакæсынæн.
Графикæ, нывкæнынад, скульптурæ, педагогикæ æмæ режиссурæ. Скульптор Цхуырбаты Олег, нывгæнджытæ Елена, Илья æмæ Ольгæ æцæгæйдæр сты курдиатджын бинонтæ. Равдыстмæ бацæттæ кодтой аивады алы хуызтæ. Раст цыма аивады истори дзурынц, афтæ. Алкæмæн дæр сæ йæхи рыст æмæ тыхст, фæлæ сæ иу кæны аивадмæ тырнындзинад æмæ уарзондзинад.
Сæрмагондæй ацы бинонтæн арæзт æрцыд музыкалон изæр. Йæхи лæвар сын скодта Гергиты Ларисæ дæр. Мариинаг театры филиалы артисттæ, æрыгон музыканттæ, культурæйы архайджытæ се ппæт дæр сты Цхуырбаты бинонты сфæлдыстадæн аргъгæнджытæ.
Цхуырбатæ сарæзтой равдыстыты сери «Бинонты портрет». Афæдз æмæ рдæджы размæ ма сыл бафтыд иу – «Семейная портрет на фоне гор». Проекттæ царды уадзынц, сæрмагонд программæ «Династии» æххæст кæнгæйæ. Йæ саразыныл бакуыста нырыккон аивады Центр.
Равдыст «Цхуырбаты бинонты портрет» кусдзæн 28-æм июны онг.
