Баст у Аланийы паддзахадыл дзуарæфтыты 1100 азы бонимæ
Паддзахадон Эрмитажы байгом егъау равдыст. Баст у Аланийы паддзахадыл дзуарæфтыты 1100 азы бонимæ. Экспозици баиу кодта алайнаг культурæйы цыртдзæвæнтæ. Ист æрцыдысты: Эрмитажæй, историон музейæ, Скæсæйнаг бæстæты аивæдты музейæ, Цæгат Ирыстоны паддзахадон университетæй, Национ музейæ, Уæрæсейы этнографион æмæ Тугъанты Махарбеджы номыл музейтæй, стæй Уæрæсейы наукæты Академийы библиотекæтæй. Равдыст равæрдтой Зымæгон Галуаны цыппар залы. Адих æй кодтой рæстæгмæ гæсгæ. Уый аивадуарзджытæн фадат дæтты алайнаг историйы къæпхæнтæ базонынæн. Равдысты фенæн уыдзæн нæ адæмы рагон цардыуаджы æвдисæнтæ. Экспозици ма баххæст кодтой рагон мигæнæнтæй. Ссардтой сæ Махческы æмæ Дæргъæвсы экспедициты рæстæг. Уæвгæ равдыст хъæздыг уыдзæн егъау рухстауæн программæ дæр.
