Поэты удхарæй цы æнкъарæнтæ мардтой, уыдон æргом кæны Цæгат Ирыстоны адæмон артист Цæллаты Алан
Сергей Есенины цард æмæ аивад равдисдзысты пьесæ «Женщины Есенина»-йы. Режиссер Хъæрджынты Изабеллæйы куыстмæ бакæсæн уыдзæн Евгений Вахтанговы номыл уырыссаг академон театры сценæйы. Поэты удхарæй цы æнкъарæнтæ мардтой, уыдон æргом кæны Цæгат Ирыстоны адæмон артист Цæллаты Алан. Куыд цæттæ кæнынц сæхи актертæ равдыстмæ, уый тыххæй бæлвырддæр радзурдзæн Тъехты Элинæ.
Уарзондзинады æнкъарæнтæ равдисын. Сергей Есенины æмæ Зинаида Райхы фембæлд æвдисынц Евгений Вахтанговы номыл уырыссаг академон театры артисттæ. Елена Исаевайы пьесæ Захар Прилепины чиныгмæ гæсгæ сæвæрдта Хъæрджынты Изабеллæ.
Есенин Зинаида Райхимæ куы ахицæн, уæд йе мдзæвгæты руаджы æргом кодта йе нкърæнтæ. Æвдыста, куыд зын ын у, уый. Фæлæ ныр, сценæйы актертæ Зинаидæйæн радтой ног цард æмæ дзы вдисынц, сылгоймаг куыд удхар кæны, уый. Йæ зæрдæ дары, йæ уарзонимæ та кæй баиу уыдзысты, ууыл.
Сылгоймагуарзаг поэт æмæ йе хсæз уарзоны æвдыст цæуынц иу сценæйы. Иуæй – иннæмæ йæхи тоны, йæ бон дзы иу равзарын нæу.
Поэты удхарæй цы æнкъарæнтæ мардтой, уыдон уырыссаг академон театры сценæйы вдисы Цæллаты Алан. Есенины миддуне бамбарын æнцон хæслæвæрд нæу.
Пьесæйы ирдæй æвдыст цæуы Есенины мад Татьяна Титовайы сурæт дæр. Поэты цардыл кæны стыр ахъаз.
Анна Изряднова, Зинаида Райх, Галина Бениславская, Айседора Дункан æмæ Софья Толстая. Иууылдæр сты, поэт кæй уарзта æмæ кæй ныууагъта, уыцы сылгоймæгтæ. Сæ тæригъæдæй равзæрд Есенины уарзондзинады лирикæ.
Спектаклы премьерæ уыдзæн 8-æм æмæ 9-æм апрелы. Майы та театр уарзаг адæммæ æнхъæлмæ кæсдзæн Алексей Арбузовы пьесæ «Мой бедный Марат».
Мидбилхудтимæ кæсын адæммæ – уый у аивады уæлдæр къæпхæн. Сергей Есенин кæд идеалон нæ, уæддæр уыд хæларзæрдæйы хицау. Афтæмæй йæ æвдисынц уырыссаг академон театры сценæйы дæр.
