06 октября 2022, 10:19
Райдыдта нырыккон аивады фестиваль «Аланика»
Дзæуджыхъæуы арæзт цæуы ныр 15-æм хатт æмæ баст у Аланийыл саргъуыды 1100 азы бонимæ
Нæ республикæйы культурон царды æрцыд æхсызгон цау. Райдыдта нырыккон аивады фестиваль «Аланика». Дзæуджыхъæуы арæзт цæуы ныр 15-æм хатт æмæ баст у Аланийыл саргъуыды 1100 азы бонимæ. Форум байгом кодта равдыст “Встреча со священным”. Экспозици равæрдтой Пушкины номыл аивæдты музейы Цæгаткавказыг филиалы æмæ Цæгат Ирыстоны Национ музейы залты. Равдысты сæйраг хъуыдытæм хауы – алы дины хуызты æнгомдзинадыл архайын æмæ аивады хуызтæм цымыдисдзинад гуырын кæнын. Зæгъдзыстæм ма уый дæр, æмæ экспозицимæ сæ куыстытæ бацæттæ кодтой, хицæн цæстæнгас æмæ стиль кæмæ ис, ахæм мастертæ. Нырыккон аивады фестиваль цæудзæн ноябры онг.
