Тыллæг экологон æгъдауæй у сыгъдæг
Республикæйы дыргъдæтты сæ тæмæны бацыд фæткъуытæ æмбырд кæныны рæстæг. Тыллæг экологон æгъдауæй у сыгъдæг. Уый уыд сæйрагдæр домæн, хæдзарад арæзт куы цыди, уæд. 180 гектарыл рæзынц фæткъуыты 7 хуызы, чылауитæ, алтъамитæ æмæ балтæ. Уæвгæ, ахæм хуызы дыргъдæттæ фадат дæттынц цыбыр æмгъуыдмæ хъæздыг тыллæг исынæн. Продукцийæн скæнынц лабораторон иртæстытæ. Афтæмæй базартæм хæццæ кæнынц æдас æмæ хæрзад дыргътæ. Ныхасы бар нæ уацхæссæг Тъехты Элинæйæн.
Фæткъуыйы хуыз «Пиновæ» æмбырд кæнын йæ тæмæны бацыд Кировы районы хæдзарæдтæй иуы. Фæткъуытæ тынг хъахъхъæнынц, цæмæй сыл цæфтæ ма уа, уый тыххæй. Бæлæстæ фыццаджылæр ныссагътой, фæткъуы пайдайаг дыргъ кæй у, уый тыххæй.
180 гектарыл рæзынц фæткъуыйы 7 хуызы, чылауийы, алтъамийы æмæ бал бæлæстæ. Дыргъдæтты цыбыр рæстæгмæ ис хъæзды тыллæг сисын. Хицауад дыргътæ кæм бафснайой, ахæм бынат нæма ис, фæлæ сæм фидæнмæ ис стыр фæндтæ.
Продукцимæ æнæмæнг æркæсынц хъæууон хæдзарадмæ цæстдарды республикон управленийы лабораторийы. Рагуалдзæджы специалисттæ æркæсдзысты, дыргъты знаггадгæнджытæ ис, æви нæй, уый фæстæ, сæрды дидинæг куы калой, уæд та сыл сæвæрдзысты феромонты къæппæджытæ. Дыргътæ базармæ аласынц, æрмæстдæр æдасдзинады сертификат куы райсынц, уæд.
Нæ республикæйы дыргъдæттæ ис 3 мин æмæ 2 сæдæ гектарæй фылдæр æмæ сæ 60 проценты сты фæткъуы бæлæстæ. Фарон æдæппæтæй фæткъуытæ сæмбырд кодтой 50 мин тонны, ацы аз та хъуамæ уой 5 мин тонны фылдæр.
Æвзæр боныхъæд хынцгæйæ иу сезонмæ хъуамæ фæткъуытæ сæмбырд кæной 3 мин тонны æмæ æрдæг. Тыллæджы æрдæг арвитдзысты æндæр регионтæм, иннæ хай та ацæудзæн республикæйы базартæм.
