Регионы разамонæг раарфæ кодта, киноныв «Хип-хоп Осетия»-йы автортæн, телевизион конкурс «ТЭФИ-Регион-2023»-ы кæй фæуæлахиз сты, уый тыххæй
Цæгат Ирыстоны Сæргълæууæг Сергей Меняйло фембæлд кинематографы академийы командæ Джиоты Людвиг, Соскъиты Зауыр æмæ Туаты Тамарæимæ. Регионы разамонæг раарфæ кодта, киноныв «Хип-хоп Осетия»-йы автортæн, телевизион конкурс «ТЭФИ-Регион-2023»-ы кæй фæуæлахиз сты, уый тыххæй. Кинолентæ хуыздæрыл нымад æрцыд номинаци 2Телевизион документалон фильм2-ы. Йæ бындуры æвæрд ис – ивгъуыд æнусы 90-æм азты ирыстойнаг хип-хопы рæзтыл цы адæм куыстой, уыдон. Æрыгон кинематографисттæ та республикæйы Сæргълæууæгæн радзырдтой сæ ног куысты тыххæй. Бæлвырддæр та – документалон киноныв «Полковник Ксанти»-йыл. Баст у Советон Цæдисы зындгонд æфсæддон разамонæг, Советон Цæдисы хъæбатыр Мамсыраты Хаджумары цардвæндагимæ.
Проект æххæстгонд цæуы Уæрæсейы Президенты гранты фæрцы. Райстой йæ культурон хъæппæристы Президентон фондæй. Проекты продюсер æмæ разамонæг у Туаты Тамарæ, режиссер Цогойты Зауыр, креативон продюсер æмæ сценарист Джиоты Людвиг, нывгæнæг-æвæрæг Айдарты Сланбег. Киноны исын райдайдзысты ацы аз мартъийы Дзæуджыхъæуы, Горæтгæрон, Рахизфарсы æмæ Алагиры районты. Премьерæ уыдзæн майы Дзæуджыхъæуы, Мæскуыйы æмæ Санкт-Петербурджы. Сергей Меняйло куыд бафиппайдта, афтæмæй кинонывæн уыдзæн стыр ахадындзинад. Уымæн æмæ ныртæккæ ахсджиаг у нæ хъайтарты кой фæлтæртæм хæццæ кæнын. Уымæй дарддæр ма регионы разамонæг æмæ кинойы Хæдзары директор Соскъиты Зауыр æрныхас кодтой культурæйы объектты рæзтыл.
